ນິເນເວ ເບິ່ງ ໂຢນາ; ອັດຊີເຣຍ ນຳອີກ ໃນພຣະຄຳພີເດີມ, ຫົວເມືອງໃຫຍ່ຂອງອັດຊີເຣຍ ແລະ ເປັນເວລາຫລາຍກວ່າສອງຮ້ອຍປີ ເປັນສູນການຄ້າຢູ່ແຄມແມ່ນ້ຳເບື້ອງຕາເວັນອອກຕີກຣິດ. ມັນເສື່ອມໂຊມລົງຕອນຈັກກະພົບອັດຊີເຣຍຕົກໄປ, 606 ປີ ກ່ອນ ຄ.ສ. ເຊັນນາເກຣິບ, ກະສັດຂອງອັດຊີເຣຍ, ໄດ້ອາໄສຢູ່ເມືອງນິເນເວ, 2 ກສ 19:36. ໂຢນາໄດ້ຖືກສົ່ງໄປເອີ້ນໃຫ້ຜູ້ຄົນໃນເມືອງກັບໃຈ, ຢນ 1:1–2 (ຢນ 3:1–4). ຜູ້ຄົນໃນເມືອງນິເນເວໄດ້ກັບໃຈ, ຢນ 3:5–10. ພຣະຄຣິດໄດ້ໃຊ້ເມືອງນິເນເວເປັນຕົວຢ່າງເລື່ອງການກັບໃຈຢູ່ຕໍ່ໜ້າຊາວຢິວ, ມທ 12:41.