ຫລອກລວງ, ການຫລອກລວງ, ຄວາມຫລອກລວງ ເບິ່ງ ຕົວະ; ມານຍາ ນຳອີກ ໃນພຣະຄຳພີ, ຫລອກລວງຄືການເຮັດໃຫ້ບາງຄົນເຊື່ອວ່າບາງສິ່ງເປັນຄວາມຈິງ. ຜູ້ທີ່ບໍ່ສັນຍາຢ່າງຫລອກລວງຈະມີສິດຂຶ້ນໄປທີ່ເນີນພູຂອງພຣະຜູ້ເປັນເຈົ້າ, ພສສ 24:3–4. ໂຜດຊ່ວຍກູ້ຂ້ານ້ອຍຈາກຄົນຂີ້ຕົວະ, ພສສ 43:1. ເຄາະກຳເປັນຂອງຜູ້ທີ່ເອີ້ນສິ່ງທີ່ດີວ່າເປັນສິ່ງທີ່ຊົ່ວ, ແລະ ເອີ້ນສິ່ງທີ່ຊົ່ວວ່າເປັນສິ່ງທີ່ດີ, ອຊຢ 5:20 (2 ນຟ 15:20). ຢ່າມົວແຕ່ຫລອກລວງຕົນເອງຢູ່ເລີຍ, 1 ກຣທ 3:18. ຢ່າໃຫ້ຜູ້ໃດຫລອກລວງພວກເຈົ້າດ້ວຍຄຳເວົ້າອັນໄຮ້ປະໂຫຍດ, ອຟຊ 5:6. ຄົນຊົ່ວຈະລໍ້ລວງ ແລະ ຈະຖືກລໍ້ລວງ, 2 ຕມທ 3:13. ຊາຕານຜູ້ຫລອກລວງມະນຸດທັງໂລກກໍຖືກຊັດຖິ້ມລົງເສຍ, ພນມ 12:9. ຊາຕານຖືກຜູກມັດໄວ້ ເພື່ອບໍ່ໃຫ້ມັນໄດ້ຫລອກລວງບັນດາປະຊາຊາດທັງຫລາຍອີກຕໍ່ໄປ, ພນມ 20:1–3. ຈະຫລອກລວງພຣະຜູ້ເປັນເຈົ້າບໍ່ໄດ້, 2 ນຟ 9:41. ຖ້າຫາກພວກທ່ານຈະໄປຕາມພຣະບຸດ, ໂດຍບໍ່ມີການຫລອກລວງຕໍ່ພຣະພັກຂອງພຣະເຈົ້າ, ພວກທ່ານຈະໄດ້ຮັບພຣະວິນຍານບໍລິສຸດ, 2 ນຟ 31:13. ເຊເຣັມໄດ້ຮັບສາລະພາບວ່າລາວໄດ້ຖືກອຳນາດຂອງມານມາຫລອກລວງ, ຢຄ 7:18. ຜູ້ຄົນຂອງກະສັດໂນອາໄດ້ຖືກຫລອກລວງດ້ວຍຄຳຍົກຍ້ອງ, ມຊຢ 11:7. ຄົນສະຫລາດໄດ້ຮັບເອົາພຣະວິນຍານສັກສິດເພື່ອການນຳພາ, ແລະ ບໍ່ໄດ້ຖືກຫລອກລວງ, ຄພ 45:57. ວິບັດແກ່ຄົນທີ່ຫລອກລວງ, ຄພ 50:6. ມັນໄດ້ກາຍເປັນຊາຕານ, ບິດາຂອງຄວາມຕົວະທັງປວງ, ທີ່ຈະຫລອກລວງ ແລະ ເຮັດໃຫ້ມະນຸດບອດ, ມຊ 4:4.