ຮ້ອງ ເບິ່ງ ດົນຕີ, ເພງ; ເພງສວດ ນຳອີກ ເພື່ອນະມັດສະການ ແລະ ສັນລະເສີນພຣະເຈົ້າໃນສຽງເພງ ແລະ ຖ້ອຍຄຳຂອງເນື້ອຮ້ອງ. ຮ້ອງເພງຖວາຍແດ່ພຣະຜູ້ເປັນເຈົ້າ, 1 ຂຄ 16:23–36 (ພສສ 96). ຈົ່ງຮ້ອງບົດເພງຍ້ອງຍໍສັນລະເສີນພຣະຜູ້ເປັນເຈົ້າ, ແລະ ຈົ່ງຂອບພຣະຄຸນ, ພສສ 30:4. ຈົ່ງຮ້ອງເພງສັນລະເສີນແດ່ພຣະຜູ້ເປັນເຈົ້າ, ພສສ 100:1. ເມື່ອພວກເພິ່ນຮ້ອງເພງສັນລະເສີນບົດໜຶ່ງແລ້ວ, ກໍພາກັນອອກໄປຍັງພູໝາກກອກເທດ, ມທ 26:30. ພຣະວິນຍານບໍລິສຸດໄດ້ນຳພາພວກເຂົາຮ້ອງເພງ, ມຣນ 6:9. ເພງຂອງຄົນຊອບທຳເປັນຄຳອະທິຖານຫາເຮົາ, ຄພ 25:12. ຖ້າຫາກພວກເຈົ້າມ່ວນຊື່ນ, ຈົ່ງສັນລະເສີນພຣະຜູ້ເປັນເຈົ້າດ້ວຍການຮ້ອງເພງ, ຄພ 136:28.