ບາບທີ່ອະໄພໃຫ້ບໍ່ໄດ້ ເບິ່ງ ຄາດຕະກຳ, ການຄາດຕະກຳ; ບຸດແຫ່ງຄວາມຈິບຫາຍ; ພຣະວິນຍານບໍລິສຸດ; ໝິ່ນປະໝາດ, ການໝິ່ນປະໝາດ ນຳອີກ ບາບຂອງການປະຕິເສດພຣະວິນຍານບໍລິສຸດ, ບາບທີ່ບໍ່ສາມາດອະໄພໃຫ້ໄດ້. ຄຳເວົ້າທີ່ໝິ່ນປະໝາດຕໍ່ສູ້ພຣະວິນຍານບໍລິສຸດ ຈະບໍ່ໄດ້ຮັບການໃຫ້ອະໄພ, ມທ 12:31–32 (ມຣກ 3:29; ລກ 12:10). ເປັນໄປບໍ່ໄດ້ສຳລັບຄົນທີ່ໄດ້ຮັບພຣະວິນຍານບໍລິສຸດແລ້ວ ທີ່ຈະນຳເຂົາມາສູ່ການກັບໃຈອີກໄດ້, ຮຣ 6:4–6. ຖ້າພວກເຮົາໄດ້ຮັບຄວາມຮູ້ເລື່ອງຄວາມຈິງແລ້ວ ແຕ່ຍັງເຈດຕະນາເຮັດບາບຢູ່ ເຄື່ອງບູຊາລຶບລ້າງບາບ ກໍຈະບໍ່ມີເຫລືອຢູ່ຕໍ່ໄປ, ຮຣ 10:26. ຖ້າລູກປະຕິເສດພຣະວິນຍານບໍລິສຸດ ແລະ ລູກຮູ້ວ່າຕົນປະຕິເສດ, ນີ້ເປັນບາບທີ່ອະໄພໃຫ້ບໍ່ໄດ້ເລີຍ, ແອວ 39:5–6 (ຢຄ 7:19). ພວກເຂົາບໍ່ໄດ້ຮັບການໃຫ້ອະໄພ, ໂດຍທີ່ໄດ້ປະຕິເສດພຣະບຸດອົງດຽວທີ່ຖືກຳເນີດ, ໂດຍທີ່ໄດ້ຄຶງພຣະອົງສຳລັບຕົນເອງ, ຄພ 76:30–35. ການໝິ່ນປະໝາດພຣະວິນຍານບໍລິສຸດຈະບໍ່ຖືກອະໄພໃຫ້, ທີ່ເຮັດໃຫ້ຄົນບໍລິສຸດຕ້ອງເສຍຊີວິດ ຫລັງຈາກພວກເຈົ້າໄດ້ຮັບເອົາພັນທະສັນຍາໃໝ່ ແລະ ເປັນນິດຂອງເຮົາ, ຄພ 132:26–27.