ກົດຂອງໂມເຊ
ພຣະເຈົ້າໄດ້ປະທານກົດຜ່ານທາງໂມເຊໃຫ້ແກ່ເຊື້ອສາຍອິດສະຣາເອນ ເພື່ອແທນກົດທີ່ສູງກວ່າ ອັນທີ່ພວກເຂົາບໍ່ສາມາດຮັກສາ (ອພຍ 34; ປຈສ, ອພຍ 34:1–2; ປຈສ, ພບຍ 10:2 [ພາກຫ້ອຍທ້າຍ]). ກົດຂອງໂມເຊປະກອບດ້ວຍຫລັກທຳ, ຂໍ້ກຳນົດ, ພິທີການ, ພິທີ, ແລະ ເຄື່ອງໝາຍຫລາຍຢ່າງ ເພື່ອເຕືອນຜູ້ຄົນກ່ຽວກັບໜ້າທີ່ ແລະ ຄວາມຮັບຜິດຊອບຂອງພວກເຂົາ. ມັນຍັງປະກອບດ້ວຍກົດກ່ຽວກັບສິນທຳ, ສາດສະໜາ, ແລະ ພຣະບັນຍັດ ແລະ ການປະຕິບັດທາງໂລກ—ລວມທັງການເສຍສະລະ (ລລວ 1–7)—ຊຶ່ງມີຈຸດເປົ້າໝາຍໃຫ້ເຕືອນພວກເຂົາກ່ຽວກັບພຣະເຈົ້າ ແລະ ໜ້າທີ່ຂອງພວກເຂົາຕໍ່ພຣະອົງ (ມຊຢ 13:30). ສັດທາ, ການກັບໃຈ, ການບັບຕິສະມາໃນນ້ຳ, ແລະ ການປົດບາບ ເປັນພາກສ່ວນຂອງກົດ, ເຊັ່ນດຽວກັບພຣະບັນຍັດສິບປະການ ແລະ ພຣະບັນຍັດຂໍ້ອື່ນໆທີ່ມີຄ່າສູງກວ່າທາງສິນທຳ. ກົດສ່ວນຫລາຍຂອງພິທີການໄດ້ສົມບູນໃນລະຫວ່າງການສິ້ນພຣະຊົນ ແລະ ການຟື້ນຄືນພຣະຊົນຂອງພຣະເຢຊູຄຣິດ, ຊຶ່ງສິ້ນສຸດການເສຍສະລະໂດຍການຫລັ່ງໂລຫິດ (ແອວ 34:13–14). ກົດດັ່ງກ່າວໄດ້ຖືກປະຕິບັດພາຍໃຕ້ ຖານະປະໂລຫິດແຫ່ງອາໂຣນ ແລະ ເປັນພຣະກິດຕິຄຸນທີ່ຕຽມເພື່ອການຍຶດໝັ້ນຂອງມັນມາສູ່ພຣະຄຣິດ.