ພັນທະສັນຍາຂອງອັບຣາຮາມ
ອັບຣາຮາມໄດ້ຮັບພຣະກິດຕິຄຸນ ແລະ ໄດ້ຖືກແຕ່ງຕັ້ງສູ່ຖານະປະໂລຫິດທີ່ສູງກວ່າ (ຄພ 84:14; ອຣຮ 2:11), ແລະ ເພິ່ນໄດ້ແຕ່ງງານລະດັບຊັ້ນສູງ, ຊຶ່ງເປັນພັນທະສັນຍາແຫ່ງຄວາມສູງສົ່ງ (ຄພ 131:1–4; 132:19, 29). ອັບຣາຮາມໄດ້ຮັບຄຳສັນຍາວ່າ ພອນທັງໝົດຂອງພັນທະສັນຍາເຫລົ່ານີ້ຈະຖືກມອບໃຫ້ແກ່ລູກຫລານຂອງເພິ່ນຢູ່ໃນຊ່ວງມະຕະນີ້ (ຄພ 132:29–31; ອຣຮ 2:6–11). ພ້ອມດຽວກັນນີ້, ພັນທະສັນຍາ ແລະ ຄຳສັນຍາເຫລົ່ານີ້ຖືກເອີ້ນວ່າພັນທະສັນຍາຂອງອັບຣາຮາມ. ການຟື້ນຟູພັນທະສັນຍານີ້ເປັນການຟື້ນຟູ ພຣະກິດຕິຄຸນໃນຍຸກສຸດທ້າຍ, ເພາະຜ່ານການຟື້ນຟູນີ້ ປະຊາຊາດທັງປວງຂອງແຜ່ນດິນໂລກຈະໄດ້ຮັບພອນ (ຄລຕ 3:8–9, 29; ຄພ 110:12; 124:58; ອຣຮ 2:10–11).