ພຣະຜູ້ເປັນກາງ ເບິ່ງ ຊົດໃຊ້, ການຊົດໃຊ້; ພຣະເຢຊູຄຣິດ ນຳອີກ ຜູ້ເຮັດແທນ ຫລື ຄົນໄກ່ເກ່ຍ. ພຣະເຢຊູຄຣິດເປັນຜູ້ເປັນກາງລະຫວ່າງພຣະເຈົ້າກັບມະນຸດ. ການຊົດໃຊ້ຂອງພຣະອົງໄດ້ເຮັດໃຫ້ເປັນໄປໄດ້ສຳລັບມະນຸດທີ່ຈະກັບໃຈສຳລັບບາບຂອງເຂົາ ແລະ ກັບມາປອງດອງກັບພຣະເຈົ້າ. ບໍ່ມີຜູ້ໃດມາເຖິງພຣະບິດາໄດ້ນອກຈາກມາທາງພຣະເຢຊູຄຣິດ, ຢຮ 14:6. ມີຜູ້ເປັນກາງແຕ່ຜູ້ດຽວລະຫວ່າງພຣະເຈົ້າກັບມະນຸດ, 1 ຕມທ 2:5. ພຣະຄຣິດເປັນຜູ້ເປັນກາງຂອງພັນທະສັນຍາທີ່ດີກວ່າ, ຮຣ 8:6 (ຮຣ 9:15; 12:24; ຄພ 107:19). ພຣະເມຊີອາທີ່ສັກສິດຈະວິງວອນແທນລູກຫລານມະນຸດທັງປວງ, 2 ນຟ 2:9 (ອຊຢ 53:12; ມຊຢ 14:12). ລູກຄວນຫວັງເພິ່ງພຣະຜູ້ເປັນກາງທີ່ຍິ່ງໃຫຍ່ອົງນີ້, 2 ນຟ 2:27–28. ພວກເຮົາຖືກເຮັດໃຫ້ດີພ້ອມທຸກຢ່າງຜ່ານພຣະເຢຊູຜູ້ເປັນກາງຂອງພັນທະສັນຍາໃໝ່, ຄພ 76:69.