ເຢໂຮວາ
ພຣະນາມແຫ່ງພັນທະສັນຍາ ຫລື ທີ່ຖືກຕ້ອງຂອງພຣະເຈົ້າຂອງອິດສະຣາເອນ. ມັນຊີ້ບອກ “ເຮົາເປັນຜູ້ເຮົາເປັນ” (ອພຍ 3:14; ຢຮ 8:58). ເຢໂຮວາເປັນຊື່ກ່ອນມະຕະຂອງພຣະເຢຊູຄຣິດ ແລະ ໄດ້ມາສູ່ໂລກໃນຖານະທີ່ເປັນບຸດຂອງນາງມາຣີ (ມຊຢ 3:8; 15:1; 3 ນຟ 15:1–5). ຕາມປົກກະຕິແລ້ວ, ເມື່ອຄຳວ່າ ພຣະຜູ້ເປັນເຈົ້າປະກົດຢູ່ໃນພຣະຄຳພີເດີມ, ມັນໝາຍເຖິງ “ພຣະເຢໂຮວາ.”
ພຣະເຢໂຮວາຄື ພຣະຄຣິດ
ພຣະເຢໂຮວາໄດ້ເປັນທີ່ຮູ້ຈັກຕໍ່ສາດສະດາໃນສະໄໝບູຮານ (ອພຍ 6:3; ອຣຮ 1:16). ອັກຄະສາວົກ ໂປໂລໄດ້ສອນວ່າ ພຣະຄຣິດຄືພຣະເຢໂຮວາຂອງພຣະຄຳພີເດີມ (ອພຍ 17:6; 1 ກຣທ 10:1–4). ນ້ອງຊາຍຂອງຢາເຣັດໃນພຣະຄຳພີມໍມອນໄດ້ເຫັນພຣະຄຣິດກ່ອນມະຕະ ແລະ ໄດ້ນະມັດສະການພຣະອົງ (ອທ 3:13–15). ໂມໂຣໄນຍັງໄດ້ເອີ້ນພຣະຄຣິດວ່າ “ພຣະເຢໂຮວາ” ນຳອີກ (ມຣນ 10:34). ທີ່ພຣະວິຫານເຄີດແລນ, ໂຈເຊັບ ສະມິດ ແລະ ອໍລີເວີ ຄາວເດີຣີ ໄດ້ເຫັນພຣະເຢໂຮວາທີ່ຟື້ນຄືນພຣະຊົນແລ້ວ (ຄພ 110:3–4).