ສຳລັບໄພ່ພົນຍຸກສຸດທ້າຍ, ສິນລະລຶກ ໝາຍເຖິງພິທີຂອງການຮັບສ່ວນເຂົ້າຈີ່ ແລະ ນ້ຳ ໃນການລະນຶກເຖິງການເສຍສະລະຊົດໃຊ້ຂອງພຣະຄຣິດ. ເຂົ້າຈີ່ເປັນຕ່ອນໆ ເປັນຕົວແທນໃຫ້ແກ່ເນື້ອກາຍທີ່ສີກຂາດ; ນ້ຳເປັນຕົວແທນໃຫ້ແກ່ໂລຫິດທີ່ພຣະອົງໄດ້ຫລັ່ງເພື່ອຊົດໃຊ້ແທນບາບຂອງເຮົາ (1 ກຣທ 11:23–25; ຄພ 27:2). ເມື່ອສະມາຊິກທີ່ມີຄຸນຄ່າຂອງສາດສະໜາຈັກຮັບສ່ວນສິນລະລຶກ, ເຂົາເຈົ້າສັນຍາທີ່ຈະຮັບເອົາ ພຣະນາມຂອງຂອງພຣະຄຣິດໄວ້ກັບຕົນ, ທີ່ຈະລະນຶກເຖິງພຣະອົງຕະຫລອດເວລາ, ແລະ ທີ່ຈະຮັກສາພຣະບັນຍັດຂອງພຣະອົງ. ຜ່ານພິທີການນີ້, ສະມາຊິກຂອງສາດສະໜາຈັກຕໍ່ພັນທະສັນຍາແຫ່ງການບັບຕິສະມາຂອງເຂົາເຈົ້າ.
ໃນລະຫວ່າງການກິນເຂົ້າແລງຄາບສຸດທ້າຍ, ພຣະເຢຊູໄດ້ອະທິບາຍກ່ຽວກັບພິທີສິນລະລຶກ ໃນຂະນະທີ່ພຣະອົງກິນເຂົ້າແລງກັບອັກຄະສາວົກສິບສອງ (ມທ 26:17–28; ລູກາ 22:1–20).