ຈົດເຊັນບັນຊີ
ໜັງສືເຫລັ້ມທີສີ່ໃນພຣະຄຳພີເດີມ. ໂມເຊໄດ້ຂຽນພຣະທຳຈົດເຊັນບັນຊີ. ພຣະທຳຈົດເຊັນບັນຊີເລົ່າເລື່ອງການເດີນທາງຂອງຊາວອິດສະຣາເອນ ຈາກພູຊີນາຍໄປຫາທົ່ງພຽງໂມອາບແຫ່ງການາອານ. ບົດຮຽນທີ່ສຳຄັນບົດຮຽນໜຶ່ງທີ່ມັນສອນແມ່ນວ່າ ຜູ້ຄົນຂອງພຣະເຈົ້າຕ້ອງເດີນໄປດ້ວຍສັດທາ, ໄວ້ວາງໃຈໃນຄຳສັນຍາຂອງພຣະອົງ, ຖ້າຫາກພວກເຂົາຢາກມີຄວາມສຳເລັດຜົນຕໍ່ໄປ. ມັນບອກເລື່ອງລາວກ່ຽວກັບພຣະເຈົ້າໄດ້ລົງໂທດຊາວອິດສະຣາເອນສຳລັບການບໍ່ເຊື່ອຟັງຂອງພວກເຂົາ ແລະ ໃຫ້ຂໍ້ມູນກ່ຽວກັບກົດຂອງຊາວອິດສະຣາເອນ. ຊື່ຂອງໜັງສືນີ້ໄດ້ມາຈາກຈຳນວນສຳມະໂນຄົວ (ຈບຊ 1–2; 26).
ບົດທີ 1–10 ບອກເຖິງການຕຽມອອກເດີນທາງຈາກພູຊີນາຍຂອງຊາວອິດສະຣາເອນ. ບົດທີ 11–14 ບັນຍາຍເຖິງການເດີນທາງ, ສົ່ງພວກນັກສືບໄປຫາການາອານ, ແລະ ຊາວອິດສະຣາເອນປະຕິເສດເຂົ້າໄປໃນແຜ່ນດິນແຫ່ງຄຳສັນຍາ. ບົດທີ 15–19 ບັນທຶກກົດຕ່າງໆ ແລະ ເຫດການໃນປະຫວັດສາດ. ບົດທີ 20–36 ເປັນປະຫວັດສາດຂອງຜູ້ຄົນປີສຸດທ້າຍໃນຖິ່ນແຫ້ງແລ້ງກັນດານ.