ດີພ້ອມທຸກຢ່າງ

ພັດທະນາເຖິງສົມບູນແບບ, ທັງໝົດ, ແລະ ເຕັມສ່ວນ; ຊອບທຳແທ້ໆ. ດີພ້ອມທຸກຢ່າງກໍສາມາດໝາຍເຖິງປາດສະຈາກບາບ ຫລື ຄວາມຊົ່ວຮ້າຍ. ພຣະຄຣິດພຽງຜູ້ດຽວເທົ່ານັ້ນທີ່ດີພ້ອມທຸກຢ່າງແທ້ໆ. ຜູ້ຕິດຕາມທີ່ແທ້ຈິງຂອງພຣະຄຣິດ ອາດກາຍເປັນຜູ້ທີ່ດີພ້ອມທຸກຢ່າງ ຜ່ານພຣະຄຸນ ແລະ ການຊົດໃຊ້ຂອງພຣະອົງ.

ເຈົ້າທັງຫລາຍຕ້ອງເປັນຄົນດີທີ່ສຸດ, ເໝືອນຢ່າງພຣະບິດາຂອງເຈົ້າຜູ້ສະຖິດຢູ່ໃນສະຫວັນເປັນຜູ້ດີທີ່ສຸດ, ມທ 5:48 (3 ນຟ 12:48).
ຖ້າຜູ້ໃດບໍ່ໄດ້ເຮັດຜິດທາງວາຈາ, ຜູ້ນັ້ນກໍເປັນຄົນດີຄົບຖ້ວນ, ຢກບ 3:2.

ສັດທາບໍ່ແມ່ນການມີຄວາມຮູ້ອັນສົມບູນເຖິງເລື່ອງຕ່າງໆ, ແອວ 32:21, 26.
ມີການຊົດໃຊ້ເກີດຂຶ້ນ ເພື່ອພຣະເຈົ້າຈະເປັນພຣະເຈົ້າທີ່ດີພ້ອມ, ແອວ 42:15.
ໂມໂຣໄນເປັນຄົນທີ່ສະຫລຽວສະຫລາດ, ແອວ 48:11–13, 17–18.
ພຣະວິນຍານຂອງພຣະຄຣິດໄດ້ຖືກມອບໃຫ້ແກ່ມະນຸດທຸກຄົນເພື່ອຕັດສິນ ແລະ ຮູ້ດ້ວຍຄວາມຮູ້ອັນສົມບູນວ່າ ສິ່ງນັ້ນມາຈາກພຣະເຈົ້າ ຫລື ມາຈາກມານ, ມຣນ 7:15–17.
ຈົ່ງມາຫາພຣະຄຣິດ, ແລະ ຖືກເຮັດໃຫ້ເປັນຄົນດີພ້ອມໃນພຣະອົງ, ມຣນ 10:32.

ຈົ່ງດຳເນີນຕໍ່ໄປດ້ວຍຄວາມອົດທົນຈົນກວ່າພວກເຈົ້າຈະຖືກເຮັດໃຫ້ດີພ້ອມ, ຄພ 67:13.
ຜູ້ຄົນເຫລົ່ານີ້ຄືຜູ້ທີ່ທ່ຽງທຳ ແລະ ຖືກເຮັດໃຫ້ດີພ້ອມທຸກຢ່າງຜ່ານພຣະເຢຊູ, ຄພ 76:69.
ຕຳແໜ່ງໃນສາດສະໜາຈັກ ແມ່ນເພື່ອການເຮັດໃຫ້ໄພ່ພົນຂອງເຮົາດີພ້ອມ, ຄພ 124:143 (ອຟຊ 4:11–13).
ຄົນເປັນຈະດີພ້ອມບໍ່ໄດ້ ຖ້າຫາກປາດສະຈາກຄົນຕາຍຂອງພວກເຂົາ, ຄພ 128:15, 18.