ເອນົກ
ສາດສະດາຄົນໜຶ່ງຜູ້ໄດ້ນຳພາຜູ້ຄົນຂອງເມືອງຊີໂອນ. ການປະຕິບັດສາດສະໜາກິດຂອງເພິ່ນໄດ້ຖືກບັນຍາຍໄວ້ທັງໃນພຣະຄຳພີເດີມ ແລະ ໃນພຣະຄຳພີໄຂ່ມຸກອັນລ້ຳຄ່າ. ເພິ່ນເປັນປິຕຸຄົນທີເຈັດຫລັງຈາກອາດາມ. ເພິ່ນເປັນລູກຊາຍຂອງຢາເຣັດ ແລະ ເປັນພໍ່ຂອງເມທູເຊລາ (ປຖກ 5:18–24; ລກ 3:37).
ເອນົກເປັນຊາຍທີ່ຍິ່ງໃຫຍ່ ແລະ ການປະຕິບັດສາດສະໜາກິດຂອງເພິ່ນນັ້ນສຳຄັນຫລາຍກວ່າເລື່ອງສັ້ນໆທີ່ພຣະຄຣິສຕະທຳຄຳພີບັນທຶກໄວ້. ພຣະຄຣິສຕະທຳຄຳພີໄດ້ບອກວ່າ ເພິ່ນໄດ້ປ່ຽນສະພາບຮ່າງກາຍ (ຮຣ 11:5) ແຕ່ບໍ່ໄດ້ບອກລາຍລະອຽດກ່ຽວກັບການປະຕິບັດສາດສະໜາກິດຂອງເພິ່ນ. ຢດ 1:14 ບັນຈຸຄຳກ່າວອ້າງຂອງຄຳທຳນາຍຂອງເພິ່ນ. ການເປີດເຜີຍຍຸກສຸດທ້າຍອະທິບາຍຫລາຍຢ່າງກ່ຽວກັບເອນົກ, ໂດຍສະເພາະການສັ່ງສອນຂອງເພິ່ນ, ເມືອງຂອງເພິ່ນຖືກເອີ້ນວ່າ ຊີໂອນ, ພາບນິມິດຂອງເພິ່ນ, ແລະ ການທຳນາຍຂອງເພິ່ນ (ຄພ 107:48–57; ມຊ 6–7). ຊີໂອນໄດ້ຖືກຮັບຂຶ້ນສະຫວັນ ເພາະຄວາມຊອບທຳຂອງຜູ້ຄົນທີ່ອາໄສຢູ່ໃນນັ້ນ (ມຊ 7:69).