ພຣະຜູ້ຊ່ວຍໃຫ້ລອດ ເບິ່ງ ພຣະເຢຊູຄຣິດ ນຳອີກ ຜູ້ຊ່ວຍໃຫ້ລອດ. ຜ່ານການຊົດໃຊ້ຂອງພຣະອົງ, ພຣະເຢຊູຄຣິດໄດ້ສະເໜີການໄຖ່ ແລະ ຄວາມລອດໃຫ້ແກ່ມະນຸດຊາດທັງປວງ. “ພຣະຜູ້ຊ່ວຍໃຫ້ລອດ” ແມ່ນພຣະນາມ ແລະ ຕຳແໜ່ງຂອງພຣະເຢຊູຄຣິດ. ພຣະຜູ້ເປັນເຈົ້າເປັນແສງແຈ້ງ ແລະ ເປັນຜູ້ຊ່ວຍໃຫ້ພົ້ນຂອງຂ້າພຣະອົງ, ພສສ 27:1 (ອພຍ 15:1–2; 2 ຊມອ 22:2–3). ເຮົາຄືພຣະຜູ້ເປັນເຈົ້າ; ແລະ ເຮົາຜູ້ດຽວເທົ່ານັ້ນທີ່ເປັນພຣະຜູ້ຊ່ວຍໃຫ້ລອດ, ອຊຢ 43:11 (ຄພ 76:1). ຈົ່ງໃສ່ຊື່ໃຫ້ເດັກວ່າ ເຢຊູ: ເພາະເພິ່ນຈະໂຜດຊ່ວຍປະຊາຊົນຂອງຕົນໃຫ້ລອດພົ້ນຈາກບາບກຳຂອງພວກເຂົາ, ມທ 1:21. ໃນວັນນີ້ ແກ່ພວກເຈົ້າ ພຣະຜູ້ຊ່ວຍໃຫ້ພົ້ນອົງໜຶ່ງ ຄືພຣະຄຣິດໄດ້ມາບັງເກີດ, ລກ 2:11. ພຣະເຈົ້າຮັກໂລກຈົນໄດ້ປະທານພຣະບຸດອົງດຽວທີ່ຖືກຳເນີດ ເພື່ອມະນຸດຈະພົ້ນໄດ້, ຢຮ 3:16–17. ບໍ່ມີນາມອື່ນໃດທົ່ວໃຕ້ຟ້າ ນອກຈາກຈະເປັນພຣະຄຣິດ ເພື່ອໃຫ້ມະນຸດທັງຫລາຍຕ້ອງໄດ້ພົ້ນ, ກຈກ 4:10–12 (2 ນຟ 25:20; ມຊຢ 3:17; 5:8; ຄພ 18:23; ມຊ 6:52). ເຮົາຄອງຄອຍພຣະຜູ້ໂຜດຊ່ວຍໃຫ້ພົ້ນ ສະເດັດມາຈາກສະຫວັນ ຄືອົງພຣະເຢຊູຄຣິດເຈົ້າ, ຟລປ 3:20. ພຣະບິດາໄດ້ໃຊ້ພຣະບຸດມາ ເປັນພຣະຜູ້ໂຜດຊ່ວຍມະນຸດສະໂລກ, 1 ຢຮ 4:14. ພຣະຜູ້ເປັນເຈົ້າໄດ້ລ້ຽງຄົນຜູ້ໜຶ່ງໃຫ້ເປັນພຣະເມຊີອາ, ພຣະຜູ້ຊ່ວຍໃຫ້ລອດຂອງໂລກ, 1 ນຟ 10:4. ພຣະເມສານ້ອຍຂອງພຣະເຈົ້າ ເປັນພຣະຜູ້ຊ່ວຍໃຫ້ລອດຂອງໂລກ, 1 ນຟ 13:40. ຄວາມຮູ້ເລື່ອງຂອງພຣະຜູ້ຊ່ວຍໃຫ້ລອດຈະແຜ່ໄປທົ່ວທຸກປະຊາຊາດ, ທຸກຕະກຸນ, ທຸກພາສາ, ແລະ ທຸກຜູ້ຄົນທັງປວງ, ມຊຢ 3:20. ພຣະຄຣິດໄດ້ສິ້ນພຣະຊົນ ເພື່ອວ່າຄວາມລອດຈະມີມາ, ຮລມ 14:15–16. ການຮັບຮອງ ແລະ ການຊຳລະໃຫ້ບໍລິສຸດ ຜ່ານພຣະຜູ້ຊ່ວຍໃຫ້ລອດ ແມ່ນຖືກຕ້ອງ ແລະ ຈິງ, ຄພ 20:30–31. ເຮົາຄືພຣະເຢຊູຄຣິດ, ພຣະຜູ້ຊ່ວຍໃຫ້ລອດຂອງໂລກ, ຄພ 43:34. ພຣະອົງດຽວທີ່ຖືກຳເນີດຂອງເຮົາ ເປັນພຣະຜູ້ຊ່ວຍໃຫ້ລອດ, ມຊ 1:6. ຫລາຍຕໍ່ຫລາຍຄົນທີ່ໄດ້ເຊື່ອໃນພຣະບຸດ ແລະ ກັບໃຈຈາກບາບຂອງພວກເຂົາ ຈະລອດ, ມຊ 5:15.