ພາກພຽນ, ຄວາມພາກພຽນ ສະໜ່ຳສະເໝີ, ຄວາມພະຍາຍາມທີ່ກ້າຫານ, ໂດຍສະເພາະໃນການຮັບໃຊ້ພຣະຜູ້ເປັນເຈົ້າ ແລະ ການເຊື່ອຟັງພຣະຄຳຂອງພຣະອົງ. ຈົ່ງເຊື່ອຟັງເຮົາແມ, ອຊຢ 55:2. ພຣະເຈົ້າເປັນຜູ້ໂຜດປະທານລາງວັນແກ່ຜູ້ທີ່ສະແຫວງຫາພຣະອົງ, ຮຣ 11:6. ຈົ່ງອົດສາພະຍາຍາມຈົນສຸດກຳລັງ, ເພື່ອຈະເອົາຄຸນນະທຳເພີ່ມຄວາມເຊື່ອ, 2 ປຕ 1:5. ຈົ່ງສິດສອນພຣະຄຳຂອງພຣະເຈົ້າດ້ວຍຄວາມພາກພຽນ, ຢຄ 1:19. ພວກເຂົາໄດ້ຄົ້ນຄວ້າພຣະຄຳພີຢ່າງພາກພຽນ, ແອວ 17:2. ເຂົາເຈົ້າໄດ້ເຕັມໃຈທີ່ຈະຮັກສາພຣະບັນຍັດດ້ວຍສຸດຄວາມພາກພຽນ, 3 ນຟ 6:14. ຂໍໃຫ້ພວກເຮົາທຳງານຢ່າງພາກພຽນ, ມຣນ 9:6. ຈົ່ງກະຕືລືລົ້ນໃນອຸດົມການດີ, ຄພ 58:27. ທັງບໍ່ໃຫ້ກຽດຄ້ານແຕ່ໃຫ້ທຳງານດ້ວຍກຳລັງຂອງພວກເຈົ້າ, ຄພ 75:3. ໃຫ້ເອົາໃຈໃສ່ຢ່າງພາກພຽນຕໍ່ຖ້ອຍຄຳແຫ່ງຊີວິດນິລັນດອນ, ຄພ 84:43. ໃຫ້ທຸກໆຄົນຮຽນຮູ້ໜ້າທີ່ຂອງຕົນ, ແລະ ກະທຳໃນຄວາມພາກພຽນທັງໝົດ, ຄພ 107:99.