ຂອງປະທານແຫ່ງພຣະວິນຍານບໍລິສຸດ
ມັນເປັນສິດຂອງສະມາຊິກຂອງສາດສະໜາຈັກທຸກຄົນຜູ້ໄດ້ຮັບບັບຕິສະມາແລ້ວທີ່ມີຄ່າຄວນ ທີ່ຈະມີອິດທິພົນຂອງພຣະວິນຍານບໍລິສຸດເປັນເພື່ອນຕະຫລອດເວລາ. ຫລັງຈາກການຮັບບັບຕິສະມາຂອງບຸກຄົນເຂົ້າມາໃນສາດສະໜາຈັກທີ່ແທ້ຈິງຂອງພຣະເຢຊູຄຣິດແລ້ວ, ເຂົາຈະໄດ້ຮັບຂອງປະທານແຫ່ງພຣະວິນຍານບໍລິສຸດໂດຍການວາງມືຈາກບຸກຄົນທີ່ມີສິດອຳນາດຢ່າງຖືກຕ້ອງ (ກຈກ 8:12–25; ມຣນ 2; ຄພ 39:23). ການຮັບເອົາຂອງປະທານແຫ່ງພຣະວິນຍານບໍລິສຸດມັກຈະຖືກກ່າວເຖິງວ່າເປັນການຮັບບັບຕິສະມາໂດຍໄຟ (ມທ 3:11; ຄພ 19:31).