ລັດສະໝີພາບຂອງຊັ້ນສູງ ເບິ່ງ ສູງສົ່ງ, ຄວາມສູງສົ່ງ; ຊີວິດນິລັນດອນ; ລະດັບຂອງລັດສະໝີພາບ ນຳອີກ ລະດັບສູງສຸດໃນສາມລະດັບຂອງລັດສະໝີພາບທີ່ຜູ້ຄົນສາມາດໄດ້ຮັບຫລັງຈາກຊີວິດນີ້. ຢູ່ທີ່ນີ້ ຄົນຊອບທຳຈະອາໄສຢູ່ໃນທີ່ປະທັບຂອງພຣະເຈົ້າພຣະບິດາ ແລະ ພຣະບຸດຂອງພຣະອົງ ພຣະເຢຊູຄຣິດ. ລັດສະໝີພາບຂອງຊັ້ນສູງກໍເປັນຢ່າງໜຶ່ງ, 1 ກຣທ 15:40 (ຄພ 76:96). ໂປໂລໄດ້ຖືກຍົກຂຶ້ນໄປເຖິງສະຫວັນຊັ້ນທີສາມ, 2 ກຣທ 12:2. ລັດສະໝີພາບຊັ້ນສູງໄດ້ຖືກສະແດງໃຫ້ເຫັນໃນພາບນິມິດ, ຄພ 76:50–70. ຖ້າຫາກໄພ່ພົນຂອງພຣະເຈົ້າຢາກມີສະຖານທີ່ໃນໂລກຊັ້ນສູງ, ແລ້ວເຂົາຕ້ອງຕຽມຕົວ, ຄພ 78:7. ຄົນທີ່ບໍ່ສາມາດປະຕິບັດຕາມກົດຂອງອານາຈັກຊັ້ນສູງ ຈະທົນກັບລັດສະໝີພາບຂອງອານາຈັກຊັ້ນສູງບໍ່ໄດ້, ຄພ 88:15–22. ໃນລັດສະໝີພາບຂອງຊັ້ນສູງ ມີສະຫວັນສາມຊັ້ນ; ເງື່ອນໄຂໄດ້ຖືກຕັ້ງໄວ້ສຳລັບການໄດ້ຮັບຊັ້ນສູງສຸດ, ຄພ 131:1–2. ເດັກນ້ອຍຜູ້ໄດ້ຕາຍກ່ອນອາຍຸທີ່ຮູ້ຈັກຮັບຜິດຊອບກໍຈະລອດໃນອານາຈັກຊັ້ນສູງ, ຄພ 137:10.