ພຣະເມຊີອາ
ຄຳສັບພາສາອາຣັບ ແລະ ເຮັບເຣີ ຊຶ່ງໝາຍຄວາມວ່າ “ຜູ້ຖືກເຈີມໄວ້.” ໃນພຣະຄຳພີໃໝ່ ພຣະເຢຊູ ຖືກເອີ້ນວ່າ ພຣະຄຣິດ, ຊຶ່ງເປັນພາສາກຣີກ ທີ່ເທົ່າກັບຄຳວ່າ ພຣະເມຊີອາ. ໝາຍເຖິງສາດສະດາ, ປະໂລຫິດ, ກະສັດ, ແລະ ຜູ້ປົດປ່ອຍທີ່ໄດ້ຖືກເຈີມໄວ້ ຜູ້ທີ່ຊາວຢິວໄດ້ຄອຍຖ້າດ້ວຍຄວາມກະຕືລືລົ້ນ.
ຊາວຢິວຫລາຍຄົນພຽງແຕ່ຊອກຫາຜູ້ປົດປ່ອຍຈາກອຳນາດຂອງຊາວໂຣມ ແລະ ຊອກຫາຄວາມຮຸ່ງເຮືອງຫລາຍກວ່າຂອງປະເທດຊາດເທົ່ານັ້ນ; ດັ່ງນັ້ນ ເມື່ອພຣະເມຊີອາສະເດັດມາ, ຜູ້ນຳ ແລະ ຫລາຍຄົນໄດ້ປະຕິເສດພຣະອົງ. ພຽງແຕ່ຄົນທີ່ຖ່ອມຕົວ ແລະ ຊື່ສັດເທົ່ານັ້ນ ທີ່ສາມາດເຫັນໃນຕົວພຣະເຢຊູແຫ່ງນາຊາເຣັດ ວ່າເປັນພຣະຄຣິດທີ່ແທ້ຈິງ (ອຊຢ 53; ມທ 16:16; ຢຮ 4:25–26).