Վարդապետություններ և Ուխտեր և Եկեղեցու Պատմություն. Սեմինարիայի ուսուցչի ձեռնարկի նախաբան

Առաջին Նախագահությունը կոչ է արել ծնողներին, ուսուցիչներին և ղեկավարներին` «օգնել երիտասարդներին ինքնուրույն և հավատով ուսումնասիրել ավետարանը, բացահայտել ավետարանի ճշմարտացիությունն իրենց համար և ամրացնել իրենց ընտանիքներն ու ուրիշներին` կիսվելով իրենց փորձառությամբ, մտքերով և վկայությամբ»: Եթե նրանք այդպես վարվեն, դա կօգնի նրանց «քայլել դարձի գալու ճանապարհով» (Teaching the Gospel in the Savior’s Way [2012], 2):

Քահանայության ղեկավարությամբ Երիտասարդ Տղամարդկանց, Երիտասարդ Կանանց, Կիրակնօրյա Դպրոցի և Սեմինարիայի կազմակերպությունները համատեղ ջանքերի շնորհիվ ստեղծել են ուսումնական ծրագիր, որպեսզի օգնեն երիտասարդներին իրականացնելու այս նպատակները: Մինչ յուրաքանչյուր կազմակերպություն յուրահատուկ դեր ունի երիտասարդներին զորացնելու գործում, երիտասարդների ուսումնական ծրագիրը պիտի առաջնորդի նրանց դեպի Փրկիչը և իրականացնի նրանց դարձը դեպի Նրա ավետարանը: Յուրաքանչյուր երիտասարդական կազմակերպության ուսումնական ծրագիրը նախատեսված է ներդաշնակության մեջ աշխատել այլ երիտասարդական կազմակերպությունների հետ: Օրինակ.

• «Ուսուցանել Փրկիչի ձևով» բաժինը (հրատարակված է թե սեմինարիայի նյութերում, թե երիտասարդների կիրակնօրյա ուսումնական ծրագրում) համատեղ մշակվել է երիտասարդների կազմակերպությունների կողմից, որպեսզի օգնի ուսուցիչներին, ծնողներին և ղեկավարներին սովորել այն մասին, թե ինչպես էր Փրկիչն ուսուցանում (տես Gospel Teaching and Learning: A Handbook for Teachers and Leaders in Seminaries and Institutes of Religion [2012], v–vii; Teaching the Gospel in the Savior’s Way [2012], 4–5): «Ուսուցանել Փրկիչի ձևով» բաժինը ուսումնասիրում է, թե ինչպես Փրկիչն օգնեց ուրիշներին ընդունել այն սուրբ ճշմարտությունները, որոնք Ինքը սովորեցրեց` խրախուսելով նրանց գործել հավատքով և ակտիվ դեր ստանձնել ուսման գործընթացում: Ավետարանի այս սկզբունքների ուսուցումն ու ուսումնասիրումը ներառված են մեկ ուսումնական ծրագրում, որը նախատեսված է երիտասարդների բոլոր կազմակերպություններ համար:

• Բոլոր երիտասարդական կազմակերպությունների ուսումնական ծրագիրը շեշտադրում է նույն հիմնական վարդապետությունները: Հիմնական Վարդապետությունները, որոնք շեշտադրված են սեմինարիայի ուսումնական ծրագրում, վերաբերում են Հիմնական Վարդապետական սկզբունքներին, որոնք ուսուցանվում են երիտասարդների ուսումնական ծրագրում: Կիրակնօրյա դասարաններում երիտասարդների ուսումնական ծրագիրը ամեն ամիս կենտրոնանում է այս վարդապետություններից մեկի վրա: Սեմինարիայում այս վարդապետությունները շեշտադրվում են, երբ երիտասարդներն ուսումնասիրում են այս ստանդարտ աշխատանքներից յուրաքանչյուրը: Այդ միասնական ջանքերն օգնում են ամրացնել այն ճշմարտությունները, որոնք երիտասարդները սովորում են կիրակի օրերին սեմինարիայի դասարանում` իրենց սովորածի հետ միասին և հակառակը: Այս նույն առանցքային վարդապետությունների շեշտադրումը երիտասարդների բոլոր ուսումնական ծրագրերում նախատեսում է ավելի սահուն փորձառություններ երիտասարդների, ուսուցիչների և ծնողների համար:

• Ուսումնական ծրագիրը յուրաքանչյուր կազմակերպության համար նախատեսված է օգնել երիտասարդներին` խորացնել ավետարանի ըմբռնումն ու դրա մասին վկայությունը, ինչպես նաև սովորել, թե ինչպես ուսուցանել այն ուրիշներին: Սա իրականացնելու համար թե սեմինարիայի նյութերը, թե երիտասարդների ուսումնական ծրագիրը ուղղված են օգնելու երիտասարդներին` ավելի ակտիվորեն ուսումնասիրել ավետարանը, իրենց համար բացահայտել ավետարանի ճշմարտությունները, ինչպես նաև կիսվել դրանցով, բացատրել ու վկայել այդ ճշմարտություններն ուրիշներին:

• Նրանք, ովքեր կանչված են ուսուցանելու Կիրակնօրյա դպրոցում, Երիտասարդ Տղամարդկանց, Երիտասարդ Կանանց և Սեմինարիայում, հավանաբար հետևողականություն կնկատեն ավետարանի ուսուցման և ուսումնասիրության մոտեցման մեջ: Եվ սեմինարիայի նյութերը, և երիտասարդների ուսումնական ծրագիրը կենտրոնանում են օգնելու երիտասարդներին` խորացնել իրենց դարձի գալը: Այս համատեղ նպատակի արդյունքում, ուսուցողական նյութերից շատերը և տեսանյութերը, որոնք ստեղծված են այն ուսուցիչների համար, ովքեր օգտագործում են Կիրակնօրյա ուսումնական ծրագիրը երիտասարդների և սեմինարիայի համար, ներառված են LDS.org կայքում:

Յուրաքանչյուր երիտասարդական կազմակերպություն առանձնահատուկ դեր ունի` օգնելու երիտասարդներին դարձի գալ դեպի ավետարանը (տես Teaching the Gospel in the Savior’s Way, 12–13): Օրինակ` այն ուսումնական ծրագիրը, որն օգտագործվում է Կիրակնօրյա Դպրոցի, Երիտասարդ Տղամարդկանց և Երիտասարդ Կանանց դասարաններում, յուրաքանչյուր ամիս կենտրոնանում է մեկ հիմնական վարդապետական սկզբունքի վրա: Ի տարբերություն սրա, սեմինարիայի ուսանողները սովորում են ավետարանի վարդապետություններն ու սկզբունքները, երբ նրանք ուսումնասիրում են հիմնական աշխատությունները` սկզբից մինչև վերջ:

Թեմատիկ կերպով ուսումնասիրելով ավետարանը կիրակնօրյա դասերին, երիտասարդները կարող են խորացնել հատուկ վարդապետությունների իրենց ըմբռնումը` ուսումնասիրելով այդ ճշմարտությունների առանձնահատկությունները և ուսուցանելով դրանք միմյանց: Սեմինարիայում երիտասարդները կարող են բացահայտել և հասկանալ սուրբ գրությունների այդ նույն վարդապետությունները` դրանց առնչվող ճշմարտություների համատեքստում և դրանց արտացոլումը տեսնեն սուրբ գրություններում գործող անձերի կյանքում և ուսմունքների մեջ: Բացի այդ, սկզբից մինչև վերջ ուսումնասիրելով սուրբ գրությունները, երիտասարդները կարող են աճել իրենց վստահության մեջ, որ «Երկնային Հայրն իրոք խոսում է իրենց հետ սուրբ գրությունների միջոցով, և որ նրանք կարող են դառնալ դեպի սուրբ գրությունները և այնտեղ պատասխաններ գտնել իրենց խնդիրներին և իրենց աղոթքներին (Howard W. Hunter, “Eternal Investments” [address to Church Educational System religious educators, Feb. 10, 1989], 2; LDS.org): Երիտասարդները ծանոթանում են նաև սուրբ գրությունների հետ, և այսպիսով նրանք կարող են արդյունավետ օգտագործել դրանք որպես ապագա միսիոներներ, ղեկավարներ և ծնողներ: Վարդապետությունների ուսումնասիրության երկու եղանակները համատեղ աշխատելով հնարավորություն են տալիս երիտասարդներին ձեռք բերել ավելի խորը հասկացողություն ավետարանի վերաբերյալ և նախապատրաստվել ուրիշներին ուսուցանելու ավետարանը:

Սուրբ գրության հատվածների խմբի նախաբանները հակիրճ գաղափար են տալիս սուրբ գրության այդ խմբի համատեքստի և բովանդակության մասին յուրաքանչյուր դասի համար:

Սուրբ գրության հատվածների խումբը հաճախ բաժանված են ավելի փոքր մասերի կամ խմբերի, որոնք կենտրոնանում են որոշակի թեմայի կամ վարժության վրա: Յուրաքանչյուր խմբի հղումներին հաջորդում է այդ հատվածների խմբի իրադարձությունների կամ ուսմունքների հակիրճ ամփոփումը:

Ուսուցումն օգնում է բացատրել ավետարանի ուսուցման սկզբունքները և մեթոդները: Դրանք կարող են աջակցել ձեզ` որպես ուսուցիչ կատարելագործվելու ձեր ջանքերում:

Դասի կառուցվածքը պարունակում է առաջնորդություն ձեզ համար, երբ դուք ուսումնասիրում և սովորեցնում եք: Այն առաջարկում է ուսուցման գաղափարներ, ներառյալ հարցեր, վարժություններ, մեջբերումներ, գծապատկերներ և աղյուսակներ:

Քանի որ վարդապետությունների և սկզբունքների սովորաբար հանդիպում ենք սուրբ գրությունների տեքստի ուսումնասիրության ժամանակ, դրանք ընդգծված են, որպեսզի օգնեն ձեզ ներկայացնել և շեշտել դրանք ուսանողների հետ ձեր քննարկումներում:

Առկայության դեպքում դուք կարող եք ցուցադրել Եկեղեցու ղեկավարների և սուրբ գրությունների իրադարձությունների նկարները, որոնք տեսողական օժանդակ նյութեր են:

Ազատ սյունակը կարող է օգտագործվել դասերի նախապատրաստման համար, ներառյալ նշումներ, փորձառություններ կամ այլ մտքեր գրելու համար, երբ դուք հուշում կզգաք Սուրբ Հոգու կողմից:

Որոշ դասերի վերջում տրված են լրացուցիչ մեջբերումներ և բացատրություններ, որպեսզի ձեզ լրացուցիչ հասկացողություն տրվի որոշակի գաղափարների կամ սուրբ գրության հատվածների վերաբերյալ: Այս բաժնի տեղեկություններն օգտագործեք, որպեսզի նախապատրաստվեք ուսուցանելիս հարցերին պատասխանելու կամ լրացուցիչ մտքեր տալու համար: Լրացուցիչ մեկնաբանություններ կարելի է գտնել այս ձեռնարկի թվայնացված տարբերակում LDS.org:

Որոշ դասերի վերջում կան ուսուցման լրացուցիչ գաղափարներ: Դրանք առաջարկներ են վարդապետություններ և սկզբունքներ ուսուցանելու համար, որոնք միգուցե չեն ներկայացվել կամ նշվել դասի կառուցվածքում: Դրանք նաև կարող են առաջարկներ ունենալ տեսալսողական նյութերի օգտագործման համար, ինչպիսին են տեսասկավառակների ելույթները և տեսանյութերը LDS.org կայքում: Ուսուցման լրացուցիչ մտքեր կարելի է գտնել այս ձեռնարկի թվայնացված տարբերակներում LDS.org կայքում:

Ուսուցման օգնության հանդիպում ենք այս ձեռնարկի լուսանցքներում: Ուսուցման օգնությունը բացատրում և լուսաբանում է, թե ինչպես դուք և այն ուսանողները, ում ուսուցանում եք, կարող են կիրառել Ավետարանի ուսուցման և ուսումնասիրության հիմունքները Վարդապետություն և Ուխտերի և Եկեղեցու պատմության ձեր ուսումնասիրության ժամանակ: Դրանք ունեն նաև առաջարկություններ այն մասին, թե ինչպես արդյունավետորեն օգտագործել բազմազան ուսուցման մեթոդները, հմտությունները և միջոցները: Երբ դուք սկսեք հասկանալ ուսուցման օգնություն բաժնում գտնվող սկզբունքները, ուղիներ փնտրեք ուսուցման ընթացքում դրանք մշտապես փորձարկելու և կիրառելու համար:

Ամփոփումը կօգնի ձեզ ծանոթանալ ենթատեքստի և վարդապետությունների ու սկզբունքների հետ, որոնք ուսանողները ուսումնասիրել են շաբաթվա ընթացքում ուսանողների ուսումնասիրության ուղեցույցում:

Դասի նախաբանը կօգնի ձեզ իմանալ, թե սուրբ գրության մասի որ հատվածները կշեշտվեն դասի ժամանակ:

Դասի կառուցվածքը ուղեցույց է հանդիսանում ձեզ համար, երբ ուսումնասիրում և ուսուցանում եք: Այն առաջարկում է ուսուցման գաղափարներ, ներառյալ հարցեր, վարժություններ, մեջբերումներ, դիագրամներ և աղյուսակներ:

Հատվածները խմբավորվում են համաձայն սուրբ գրության հատվածների խմբի համատեքստի կամ բովանդակության փոփոխությունների: Յուրաքանչյուր հատվածների խմբի հղումներին հաջորդում է այդ հատվածների խմբի իրադարձությունների կամ ուսմունքների հակիրճ ամփոփումը:

Երբ վարդապետությունները և սկզբունքները բնականորեն առաջ են գալիս սուրբ գրության տեքստի ուսումնասիրության ժամանակ, դրանք ընդգծվում են, որպեսզի օգնեն ձեզ ներկայացնել և նշել դրանք ուսանողների հետ ձեր քննարկումներում:

Յուրաքանչյուր դասի վերջին պարբերությունը տալիս է հաջորդ միավորի վերաբերյալ ակնարկներ: Կիսվեք այս պարբերությամբ ձեր ուսանողների հետ յուրաքանչյուր դասի վերջում, որպեսզի օգնեք նրանց ուսումնասիրել սուրբ գրությունները եկող շաբաթվա ընթացքում:

Վարդապետություն և Ուխտերի և Եկեղեցու Պատմության ուսումնասիրության ուղեցույց սեմինարիայի ուսանողների տնային ուսումնասիրության համար ձեռնարկը նախատեսված է, որ տանն ուսումնասիրող ուսանողը Վարդապետություն և Ուխտերը և Եկեղեցու Պատմությունն ուսումնասիրելիս ստանա այնպիսի փորձառություն, ինչպիսին ստանում է սեմինարիայի ուսանողը, ով հաճախում է աշխատանքային օրերին տեղի ունեցող դասերին: Հետևաբար, ուսանողի ուսումնասիրության ուղեցույցի տեմպը, ինչպես նաև այնտեղ ընդգծված վարդապետություններն ու սկզբունքները համապատասխանում են այս ձեռնարկի նյութին: Ուսանողի ուսումնասիրության ուղեցույցը նաև ներառում է սերտման սուրբ գրության ուսուցում: Սերտման սուրբ գրությունների հատվածները տրված են համատեքստում այնպես, ինչպես դրանք տրված են սուրբ գրության տեքստում և հաճախ գրավոր վարժությունները տրված են այն դասերում, որոնցում այդ հատվածներն ընդգրկված են:

Յուրաքանչյուր շաբաթ տնային ուսումնասիրման ուսանողները պիտի ավարտեն չորս դաս ուսանողի ուսումնասիրության ուղեցույցից և շաբաթը մեկ անգամ մասնակցեն այն դասին, որը տրված է իրենց սեմինարիայի ուսուցչի կողմից: Ուսանողները կատարում են ուսումնասիրության ուղեցույցի համարակալված հանձնարարություններն իրենց սուրբ գրությունների ուսումնասիրության օրագրերում: Ուսանողները պիտի ունենան սուրբ գրությունների ուսումնասիրության երկու օրագիր, որպեսզի մեկը թողնեն իրենց ուսուցչի մոտ և շարունակեն աշխատել մյուսով: Երբ ուսանողները հանդիպեն իրենց ուսուցչի հետ յուրաքանչյուր շաբաթ, մի օրագիրը վերադարձվում է տնային ուսուցչին, իսկ մյուսը տրվում է ուսանողին` օգտագործելու հաջորդ շաբաթվա դասին: (Օրինակ` մեկ շաբաթվա ընթացքում ուսանողը կատարում է հանձնարարությունները օրագիր 1-ում: Հետո ուսանողն այս օրագիրը բերում է դասարան և տալիս է ուսուցչին: Հաջորդ շաբաթվա ընթացքում ուսանողը կատարում է հանձնարարությունները օրագիր 2-ում: Երբ ուսանողը հանձնում է օրագիր 2-ը, ուսուցիչը վերադարձնում է օրագիր 1-ը: Հետո ուսանողն օգտագործում է օրագիր1-ը` հաջորդ շաբաթվա հանձնարարությունները կատարելու համար:)

Սեմինարիայի բոլոր ուսանողներին խրախուսվում է ամեն օր ուսումնասիրել սուրբ գրությունները և կարդալ դասընթացի տեքստը, սակայն տնային ուսումնասիրության ուսանողները պետք է հասկանան, որ ակնկալվում է, որ նրանք կծախսեն լրացուցիչ 30-40 րոպե յուրաքանչյուր մասի յուրաքանչյուր չորս տնային ուսումնասիրության դասի վրա և կհաճախեն շաբաթական տնային ուսումնասիրության դասին:

Սեմինարիայի տնային ուսումնասիրության ուսանողի Վարդապետություն և Ուխտերի և Եկեղեցու Պատմության ուսումնասիրության ուղեցույցում յուրաքանչյուր մաս համընկնում է ուսուցչի ամենօրյա ձեռնարկի հինգ դասին: Այս ձեռնարկի յուրաքանչյուր հինգ դասի վերջում դուք կգտնեք տնային ուսումնասիրության ուսուցչի մեկ շաբաթական դաս: Տնային ուսումնասիրության դասերը կօգնեն ուսանողներին վերանայել, խորացնել իրենց հասկացողությունը և կիրառել վարդապետություններն ու սկզբունքները, որոնք նրանք սովորեցին, երբ շաբաթվա ընթացքում ավարտեցին դասերը ուսանողների ուսումնասիրության ուղեցույցում: Այս դասերը կարող են նաև ուսումնասիրել հավելյալ ճշմարտություններ, որոնք ընդգրկված չեն ուսանողի ուսումնասիրության ուղեցույցում: (Ձեր դասի ծրագրավորմանն օգնելու համար կարող եք օգտվել տնային ուսումնասիրության ուսուցիչների տեմպի ուղեցույցից, որը գտնվում է ձեռնարկի վերջում գտնվող հավելվածում:)

Որպես տնային ուսումնասիրության ուսուցիչ դուք պետք է լիակատար հասկացողություն ունենաք այն մասին, թե ինչ են ձեր ուսանողներն ուսումնասիրում տանը ամեն շաբաթ, որպեսզի դուք կարողանաք պատասխանել հարցերի և բովանդակալից քննարկումներ անցկացնեք, երբ հանդիպեք նրանց հետ: Խնդրեք ուսանողներին իրենց ամենշաբաթյա դասերին բերել սուրբ գրությունները, սուրբ գրությունների ուսումնասիրության օրագրերը և ուսանողների ուսումնասիրության ուղեցույցները շաբաթական դասի համար, որպեսզի նրանք կարողանան անդրադառնալ դրանց դասի ընթացքում: Հարմարեցրեք դասերը ձեր ուսանողների կարիքներին և ըստ Սուրբ Հոգու առաջնորդության: Դուք կարող եք անդրադառնալ նաև այս ձեռնարկի ուսուցիչների ամենօրյա դասերին, երբ պատրաստվեք և ուսուցանեք: Ուսուցման օգնության ուսումնասիրությունը և ամենօրյա դասերում օգտագործված մեթոդները կարող են օգնել հարստացնել ձեր շաբաթական ուսուցումը: Պատրաստակամորեն մոտեցեք ձեր ուսանողների ցանկացած հատուկ կարիքներին: Օրինակ, եթե ուսանողը խնդիրներ ունի գրելու հետ կապված, թույլ տվեք նրան օգտագործել ձայնագրիչ կամ թելադրել իր մտքերը ընտանիքի անդամին կամ ընկերոջը, ով կարող է գրի առնել նրանց պատասխանները:

Յուրաքանչյուր շաբաթական դասի վերջում հավաքեք ուսանողների սուրբ գրությունների ուսումնասիրության օրագրերը և խրախուսեք նրանց շարունակել իրենց ուսումնասիրությունները: Տվեք նրանց սուրբ գրությունների ուսումնասիրության օրագիր հաջորդ շաբաթվա հանձնարարությունների համար` ինչպես բացատրված է «Տնային ուսումնասիրության ուսանողի ուսումնական ուղեցույց» բաժնում: (Քահանայության ղեկավարների և ծնողների առաջնորդության ներքո ցցի սեմինարիայի ուսուցիչները կարող են էլեկտրոնային եղանակով հաղորդակցվել սեմինարիայի այն ուսանողների հետ, ովքեր ներգրավված են տնային ուսումնասիրության սեմինարիայում:)

Մինչ դուք կարդաք կատարված առաջադրանքները ուսանողների սուրբ գրությունների ուսումնասիրության օրագրերում, պարբերաբար արձագանքեք նրանց աշխատանքներին` գրելով մի փոքր երկտող կամ հաջորդ անգամ նրանց տեսնելիս գովաբանելով: Դուք կարող եք նաև փնտրել այլ ուղիներ, որպեսզի աջակցություն և իմաստալից արձագանք տաք: Սա կօգնի ուսանողներին իմանալ, որ ձեզ հետաքրքրում է նրանց աշխատանքը և կօգնի ոգևորել նրանց լիարժեք պատասխաններ տալու համար:

Շատ ուսանողների ջանքերը սուրբ գրությունների կարևոր հատվածների սերտման գործում կիրականանան, երբ նրանք ավարտեն տնային ուսումնասիրության դասերը: Տնային ուսուցիչները կարող են ավարտին հասցնել ուսանողների ջանքերը` հրավիրելով նրանց անգիր ասել կամ կրկնել սուրբ գրությունների սերտման հատվածները, որոնք հանդիպում են տեքստում այդ շաբաթվա ուսումնասիրվող մասում:

Այս ձեռնարկի պատմական տվյալների մեծ մասը վերցված է «Եկեղեցու պատմության և Ջոզեֆ Սմիթի թղթերը» նախագծից: Հատկապես օգնել են հատորներ 1-ը և 2-ը «Ջոզեֆ Սմիթի թղթերը» փաստաթղթային շարքից` հրատարակված Եկեղեցու Պատմաբանների հրատարակչության կողմից (an imprint of the Church History Department of The Church of Jesus Christ of Latter-day Saints): Որպեսզի տեսնեք Ջոզեֆ Սմիթի թղթերի նախագծի թվայնացված պատկերները և կարդաք իսկական փաստաթղթերի ձեռագրերը, այցելեք josephsmithpapers.org:

Սեմինարիայի ուսուցչի ձեռնարկները և ուսանողի ուսումնական ձեռնարկները մատչելի են LDS.org կայքում կամ շարժական սարքերի համար նախատեսված Ավետարանի գրադարանում: Ուսուցիչներն ու ուսանողները կարող են օգտագործել առցանց կամ շարժական Նշումներ և Օրագրի գործիքներ` նշելու և նշումներ ավելացնելու այս ձեռնարկների առցանց տարբերակին, երբ նրանք պատրաստեն դասերը և ուսումնասիրեն սուրբ գրությունները: Ուսուցչի ձեռնարկները և ուսանողի ուսումնասիրության ձեռնարկները նույնպես առկա են ներբեռնման համար տարբեր ձևաչափերով (such as PDF, ePub, and mobi [Kindle] files) LDS.org կայքում:

Հետևյալ ռեսուրսները մատչելի են առցանց, ձեր ղեկավարի, Եկեղեցու տեղական բաշխման կենտրոնների և Եկեղեցու առցանց խանութի (store.lds.org) շնորհիվ:

• Վարդապետություն և Ուխտերի և Եկեղեցու Պատմության տեսասկավառակներ (ապրանքանիշ 08042, միայն անգլերեն, իսպաներեն և պորտուգալերեն)

• Վարդապետություն և Ուխտերի և Եկեղեցու Պատմության տեսասկավառակ (item no. 54012)

• Media Library on LDS.org

• Ավետարանի նկարների գիրք (06048 06048)

• Հավատքին հավատարիմ. Ավետարանի վկայակոչում) (36863)

• Ավետարանական թեմաներ LDS.org կայքում:

• Երիտասարդներին զորացնելու համար (գրքույկ,), 09403: