Տնային ուսումնասիրության դաս
Վարդապետություն և Ուխտեր 72-76.80 (Մաս 16)
Նախաբան
Այս դասը կենտրոնանում է այն բանի վրա, թե ինչ իմացան Ջոզեֆ Սմիթն ու Սիդնի Ռիգդոնը Փրկիչի, սելեստիալ և թերեստրիալ արքայությունների մասին` տեսիլքի միջոցով, որը տրված է Վարդապետություն և Ուխտեր 76-ում:
Ուսուցման առաջարկներ
Նշում. Որպեսզի օգնեք ուսանողներին անգիր անել սուրբ գրության սերտման հատվածը Վարդապետություն և Ուխտեր 76.40-41 հատվածներում, հրավիրեք նրանց անգիր ասել միասին` դասի սկզբում կամ վերջում:
Վարդապետություն և Ուխտեր 76․20-24
Ջոզեֆ Սմիթը և Սիդնի Ռիգդոնը տեսիլքում տեսան Երկնային Հորը և Հիսուս Քրիստոսին
Որպես հոգևոր երգ, հրավիրեք դասարանին երգել «Գիտեմ ապրում է Փրկիչն իմ» օրհներգը (ՀՄԵ, էջ 136): Հիմնի բառերը կարող են օգնել ուսանողներին` զգալ այն սկզբունքների ուժը, որոնք նրանք կսովորեն այսօր:
Հրավիրեք ուսանողներին քննարկել հետևյալ իրավիճակը. Դպրոցում դասի ժամանակ ձեր ուսուցիչը սկսում է քննարկել աշխարհի կրոնները: Երբ նշվում է քրիստոնեությունը, ուսուցիչը հարցնում է, թե արդյոք կան քրիստոնյաներ դասարանում, ովքեր կցանկանային կիսվել Հիսուս Քրիստոսի մասին իրենց համոզմունքներով:
-
Եթե դուք լինեիք այս իրավիճակում, ինչ կասեիք այն մասին, թե ինչի՞ն եք հավատում և ի՞նչ գիտեք Հիսուս Քրիստոսի մասին:
Շեշտեք, որ մենք կարող ենք սովորել շատ ճշմարտություններ Հիսուս Քրիստոսի մասին Վարդապետություն և Ուխտեր 76 բաժնում: Օգնեք ուսանողներին վերանայել այս հայտնության բովանդակությունը` ուղղելով հետևյալ հարցերը.
-
Ի՞նչ էին անում Մարգարե Ջոզեֆ Սմիթը և Սիդնի Ռիգդոնը, նախքան կստանային Վարդապետություն և Ուխտեր 76 բաժնում գրանցված տեսիլքը: (Եթե կարիք լինի, խրախուսեք ուսանողներին վերանայել բաժնի նախաբանը:)
-
Այդ տեսիլքում առաջինը ու՞մ տեսան Ջոզեֆ Սմիթը և Սիդնի Ռիգդոնը: (Եթե ուսանողները չեն հիշում, հրավիրեք նրանց անդրադառնալ Վարդապետություն և Ուխտեր 76.20-24 հատվածներին, որպեսզի գտնեն պատասխանը:)
Ուսանողներից մեկին հրավիրեք բարձրաձայն կարդալ Վարդապետություն և Ուխտեր 76.20-24 հատվածները: Դասարանին խնդրեք հետևել նրան՝ փնտրելով այն ճշմարտությունները, որոնք Ջոզեֆ Սմիթը և Սիդնի Ռիգդոնն իմացան Հիսուս Քրիստոսի մասին:
-
Այս տեսիլքի միջոցով ի՞նչ ճշմարտություններ իմացան Ջոզեֆ Սմիթը և Սիդնի Ռիգդոնը Հիսուս Քրիստոսի մասին: (Խնդրեք որևէ ուսանողի պատասխանները գրել գրատախտակին։)
Ուսանողները կարող են ներկայացնել տարբեր վարդապետություններ, այդ թվում հետևյալը. Հիսուս Քրիստոսը կենդանի, փառավորված էակ է. մեր Երկնային Հայրը և Հիսուս Քրիստոսը առանձին անձնավորություններ են. Հիսուս Քրիստոսը Աստծո Միածին Որդին է, Հիսուս Քրիստոսը այս աշխարհի և այլ աշխարհների Արարիչն է, իսկ մենք որդիներն ու դուստրերն ենք Աստծո: (Որպեսզի օգնեք ուսանողներին ավելի լավ հասկանալ վերջին սկզբունքը, կարող եք հրավիրել նրանց կարդալ Մոսիա 5.7:)
-
Գրատախտակին գրված ո՞ր ճշմարտությունների մասին դուք կարող եք վկայել: Ինչպե՞ս կարող եք իմանալ, որ այն ճշմարիտ է:
Կարող եք կիսվել Փրկիչի մասին ձեր անձնական փորձառությամբ։
Հիշեցրեք ուսանողներին, որ Վարդապետություն և Ուխտեր 76.22-24 հատվածը սուրբ գրությունների սերտման հատվածների ցանկից է: Խնդրեք նրանց թվարկել մյուսներին` բացի Մարգարե Ջոզեֆ Սմիթից և Սիդնի Ռիգդոնից, ում Հիսուս Քրիստոսը հայտնվել էր: (Օր 3-ի տնային ուսումնասիրության իրենց դասի ժամանակ ուսանողներին հանձնարարված էր գտնել խաչաձև հղումներ սուրբ գրությունների այլ պատմությունների մեջ, որտեղ մարգարեները վկայել էին Փրկիչին տեսնելու մասին: Օրինակ` տես Ելից ԼԳ.11, Ա Թագավորաց ԺԱ.9 և Եսայիա Զ.5, տես նաև Մատթեոս Ե.Ը:)
Վարդապետություն և Ուխտեր 76․50-80
Ջոզեֆ Սմիթը և Սիդնի Ռիգդոնը տեսիլքում տեսնում են սելեստիալ և թերեստրիալ արքայությունները
Թող ուսանողները թվարկեն մի քանի վայրեր, որտեղ նրանք կցանկանային գնալ արձակուրդներին: (Պատասխանները գրեք գրատախտակին:) Շրջանակի մեջ առեք գրատախտակին թվարկված նպատակակետերից մեկը: Խնդրեք ուսանողներին նկարագրել այն ուղին, որով նրանք պիտի ճամփորդեն, որպեսզի հասնեն ընտրված նպատակակետին: Ընտրեք մեկ ուրիշ վայր գրատախտակին գրված ցուցակից, որը նշանակալիորեն տարբերվում է ձեր նշած առաջին նպատակակետից:
-
Եթե դուք հետևեք այն ուղուն, որը դուք նկարագրեցիք առաջին նպատակակետի համար, արդյո՞ք այն կտանի ձեզ դեպի այս նպատակակետը:
-
Ինչպե՞ս է ձեր ընտրած նպատակակետը ազդում այն ուղու վրա, որը դուք պետք է ընտրեք այնտեղ հասնելու համար:
Հրավիրեք ուսանողներին բացել ուսանողի ուսումնասիրության իրենց ձեռնարկը «Վարդապետություն և Ուխտեր 76. Տեսիլքի ուրվանկարը» գծապատկերը Օր 3-ի դասի համար:
-
Ուղիների և նպատակակետերի մասին մեր քննարկումը ինչպե՞ս է առնչվում այն տեսիլքին, որը գրված է Վարդապետություն և Ուխտեր 76 բաժնում։ (Այս տեսիլքից մենք իմանում ենք ուղիների կամ ընտրությունների մասին, որոնք առաջնորդում են դեպի հավերժական նպատակակետերը, որոնք հնարավոր են դառնում մեզանից յուրաքանչյուրի համար:)
Հանձնարարեք ուսանողներից մեկին բարձրաձայն կարդալ Վարդապետություն և Ուխտեր 76.51--53 հատվածները, որը նկարագրում է դեպի վեհացում տանող ճանապարհը սելեստիալ արքայությունում։ Հանձնարարեք մեկ այլ ուսանողի բարձրաձայն կարդալ Վարդապետություն և Ուխտեր 76.72-79 հատվածները, որտեղ նկարագրվում է թերեստրիալ արքայություն տանող ուղին։ Խնդրեք դասարանին հետևել, փնտրելով, թե ինչպես են տարբերվում դեպի սելեստիալ և թերեստրիալ արքայությունները տանող ճանապարհները:
-
Որո՞նք են այն մի քանի տարբերությունները, որոնք նկատել եք սելեստիալ արքայությունում վեհացում ժառանգողների և թերեստրիալ արքայությունը ժառանգողների միջև: (Կարևոր նշանակություն ունեցող տարբերություններից մեկը, որը ուսանողները հավանաբար նկատել են` այն է, որ թերեստրիալ արքայություն ժառանգողները «անվեհեր չեն Հիսուսի վկայության մեջ» [ՎևՈւ 76.79]:)
Ուսանողներին հանձնարարեք մտքում վերանայել Վարդապետություն և Ուխտեր 76․51-53 հատվածները` փնտրելով այն սկզբունքը, որն ուսուցանվում է այդ հատվածներում:
Գրեք հետևյալ անավարտ սկզբունքը գրատախտակին. Եթե մենք անվեհեր լինենք Հիսուսի վկայության մեջ, …
-
Հիմնվելով Վարդապետություն և Ուխտեր 51-53 բաժիններում սովորածի վրա, ինչպե՞ս կավարտեիք այս նախադասությունը: (Ուսանողները կարող են օգտագործել տարբեր բառեր, սակայն դրանք պետք է արտահայտեն հետևյալ սկզբունքը․ Եթե մենք անվեհեր լինենք Հիսուսի վկայության մեջ, մենք վեհացում կստանանք Աստծո սելեստիալ արքայությունում։)
Որպեսզի օգնեք ուսանողներին ավելի լավ հասկանալ այդ սկզբունքը, տվեք հետևյալ հարցերը.
-
Ձեր կարծիքով, ո՞րն է Փրկիչի վկայությունն ունենալու և այդ վկայության մեջ անվեհեր լինելու միջև եղած տարբերությունը:
-
Որո՞նք են այն մի քանի գործողություններն ու վերաբերմունքի առանձնահատկությունները, որոնք դուք տեսնում եք այն մարդկանց մեջ, ովքեր անվեհեր են Փրկիչի վկայության մեջ:
-
Ի՞նչն է օգնել ձեզ` քաջարի լինել Հիսուս Քրիստոսի մասին ձեր վկայության մեջ:
Կիսվեք ձեր վկայությամբ, որ նրանցից յուրաքանչյուրը հնարավորություն ունի ստանալու վեհացում սելեստիալ արքայությունում: Հրավիրեք նրանց խորհել, թե արդյո՞ք նրանց կատարած օրհնությունները տանում են նրանց դեպի հավերժական նպատակակետը, որը նրանց մեծագույն երջանկություն կբերի: Քաջալերեք նրանց անվեհեր լինել Հիսուս Քրիստոսի մասին իրենց վկայության մեջ:
Հաջորդ Մասը (Վարդապետություն և Ուխտեր 76.81–119, 77–83)
Որպեսզի ուսանողներին նախապատրաստեք եկող շաբաթվա իրենց ուսումնասիրությանը, կարող եք հրավիրել նրանց մտածել հետևյալի մասին. «Ինչո՞ւ է Տերն ավելին ակնկալում նրանցից, ովքեր ավելի շատ լույս և գիտելիք են ստացել»: Բացի Մարգարե Ջոզեֆ Սմիթին և Սիդնի Ռիգդոնին Վարդապետություն և Ուխտեր 76 բաժնում տրված տեսիլքի ուսումնասիրությունից, հաջորդ մասում ուսանողները կսովորեն, թե Տերն ինչ է ակնկալում նրանցից, ում շատ է տրվում: Ուսանողները կկարդան նաև «չորս կենդանիներին» վերաբերող բացատրությունը, որը նշված է Հայտնություն 4.6-9: